【Emily】啟程訪星馬 財爺盼建國際友誼

【明報專訊】財政司長陳茂波噚日（26日）啟程去馬來西亞首都吉隆坡同新加坡外訪，佢喺網誌表示會努力「走出去」，與國際建立更深、更廣泛嘅聯繫同友誼，認為只要把握好每個推廣香港嘅機會，必定能吸引更多國際企業、人才同資金來港。

陳茂波提到，將會到星馬兩國介紹香港喺經濟、金融、創科和文化藝術嘅新優勢同新商機。財爺會先到吉隆坡，星期二（28日）轉往新加坡繼續行程，星期四（30日）回港。佢除咗同當地官員會面、參觀企業並與商界交流，亦會分別到馬來亞大學同新加坡國立大學演講。

另外，政府上周舉行「裕澤香江」高峰論壇，吸引全球富豪來港設立家族辦公室。陳茂波喺網誌總結，話論壇有逾400人參與，包括主要家族決策人、家族辦公室高層管理人員等，來自北美、歐洲、中東同亞洲其他地區等。佢喺會上發表主題演講，並於網誌引述唔少家族決策人話，香港嘅經濟復蘇速度及活力魅力令人刮目相看，正準備或者已決定來港設家族辦公室。