湯文亮：財仔解決銀主盤要快要狠

【明報專訊】有老友非常心急搵我，希望我可以介紹一個熟悉財務公司運作，尤其是在追數方面的人畀佢，因為幾年前打本畀兒子做財務公司，當時銀行借四成，財仔在私底下以私人貸款形式借多兩三成，就算債仔唔還錢，只要將物業沒收，替債仔還清銀行欠款，將物業變成財仔銀主盤，賣完樓仲有多少錢剩，有良心就畀返債仔，冇良心就以各種使費用去餘錢，而且，當時所請的負責人曾在銀行做過，知道點樣借錢出去，雖然沒收債經驗，但有物業抵押，斷估唔會有事。