湯文亮：老闆想賣盤 先要整好盤生意

【明報專訊】在星期一打風期間，去了一間小店食晚飯，記得大約半年前去過那間小店，當時的食物質素很差，服務很差，小店老闆話生意很差，打算賣盤畀人，問我有冇人有興趣。我話現在咁嘅環境，小店又蝕緊錢，我相信有興趣的人很少，如果打算賣盤，首先要做好盤生意，做餐飲不外乎招呼與食物質素；在招呼方面，如果客人有投訴，千祈唔好同他們爭拗，因為換過一碟，成本不是太高，而食物質素主要是新鮮，分量要夠，客人是要儲番嚟，當有足夠生意以及利潤，才考慮賣盤，當時小店老闆話多謝賜教。