【Emily】港鐵13站擺風機降溫

【明報專訊】近日天氣酷熱，港鐵為令喺部分人流較多及架空車站等候列車嘅乘客降溫，特別喺13個車站設置53部風機，以略解乘客難耐高溫之苦。13個站包括荃灣站（圖）、葵興站、葵芳站、牛頭角站、九龍灣站、觀塘站、杏花邨站、柴灣站、鰂魚涌站、中環站、鑽石山站、旺角東站、九龍塘站。

港鐵發言人噚日同Emily講，佢哋一直密切監察天氣酷熱對乘客影響嘅情况，有需要時作調節，盡量令站內維持舒適嘅溫度。發言人話，儘管乘客喺每次港鐵旅程中，大部分時間都留喺車上，但佢哋都希望提供涼快嘅乘車環境。