【Emily】太古坊義賣舊書 設倪匡紀念專區

【明報專訊】第11屆太古地產「書出愛心．十元義賣」一連兩個星期喺鰂魚涌太古坊舉行，噚日係第一日，吸引咗唔少人到場。主辦方話，上個月已經喺網上舉行兒童及青少年二手書籍義賣，售出近兩萬本，籌得近20萬元，期望今次義賣活動最終可以籌到超過100萬元，所有款項會用嚟支持香港小童群益會嘅「群益寶庫」計劃，同埋義務工作發展局推動義務工作嘅持續發展。

主辦方話，今次活動收集咗超過25萬本二手書作義賣，共14個類別包括小說及文學、生活休閒及旅遊、兒童及青少年、商務及金融、心理勵志及親子等，而為咗紀念著名作家倪匡，現場亦有倪匡作品專區。所有義賣書每本一律賣10蚊，買十送一，鍾意睇書嘅朋友就可以到場盡情「尋寶」喇！

活動喺4月20至23日，及27至30日舉行，時間係中午12點至晚上8點。