【Emily】立會主席台「釣魚」 馬逢國話唔夠瞓

【明報專訊】近期唔少政界中人染疫或成為密切接觸者（CC），立法會主席梁君彥同阿仔、民政及青年事務局副局長梁宏正因家人中招齊齊做「CC」，梁君彥噚日主持唔到立法會，交由內會主席李慧琼（Starry）同副主席馬逢國代主持。根據會議直播片段，自由黨張宇人就教育開支無約束力動議發言時，代主持嘅馬逢國正閉目養神，張宇人講完5秒鐘，馬先緩緩睜開眼，叫下一個議員發言。馬逢國同傳媒解釋，前日只係瞓咗兩個鐘，又要搞人大參選。