【Emily】港鐵出新App 為視障者聲音導航

【明報專訊】港鐵今日起推出專為長者及視障者而設嘅新手機應用程式（App）「關愛共乘」，App照舊有常用嘅查詢建議路線功能，「站內導航」功能就會為視障者聲音導航，若舉起手機指往唔同方向，系統會發出唔同頻率嘅「嘟嘟聲」，急促嘅「嘟嘟聲」代表方向正確，導航亦會沿路提醒下步要點行，例如會提示向前行幾10米之後要轉彎或者搭扶手梯。萬一蕩失路，撳吓「當前位置」，系統就會話你知身處位置，同月台、出入口或車站設施嘅距離同方位。