【Emily】民研：四成人滿意政府表現 近4年最高

【明報專訊】香港民意研究所每個月調查市民對政府嘅滿意度，最新調查顯示，特首李家超政府上場兩個多月以來，市民對政府嘅滿意度呈上升趨勢。民研喺9月5至9號以電話訪問1002人，有四成受訪者滿意政府表現，比7月初調查時嘅32.5%，多咗7.5個百分點，並且係2018年12月以來最高。時事評論員劉銳紹認為，民調數據受好多因素影響，包括移民，佢相信近年移民人數增加，令不滿政府嘅基數減少，留低嘅市民對政府仍抱有良好願望，亦同社會焦點轉移到防疫政策有關。