【Emily】新思維黃俊瑯 話要同湯家驊個黨分手

【明報專訊】舊年立法會選舉時，新思維主席狄志遠同民主思路召集人湯家驊表明，兩黨會協調參選，避免撞區，湯家驊當時形容兩個黨係「拍緊拖」；事隔未夠一年，新思維副主席黃俊瑯（圖）噚日喺facebook話，要單方面同湯家驊個黨「分手」。事緣近日政府收回粉嶺高球場建屋及環評一事喺社會引起爭議，擁有高球會籍嘅行政會議成員湯家驊早前公開反對發展高球場，指政府提出將部分高球場改建房屋，同吸引海外人才嘅目標背道而馳。