【Emily】機場櫻花園盛放佳期 情人節前一周最靚

【明報專訊】赤鱲角機場櫻花園自2023年開放以來一直受歡迎，今年花季將至，機管局機場運行執行總監姚兆聰話，根據局方櫻花預報，櫻花會喺未來兩三個星期盛放，靠近情人節前一星期最靚，預計今年可以吸引逾10萬人次參觀。

以往市民從東涌地鐵站前往櫻花園都需要過馬路同上落樓梯，今年機管局增設一段行人路，市民可以直接從東涌站行去櫻花園，路程減咗200米。

姚兆聰話今年櫻花園擴至3萬平方呎，沿東涌灣海伸延，多咗39棵櫻花樹，而目前共160棵櫻花中，只有兩三成綻放，新花啱啱從廣東省北部運來，受溫差影響，預料3月先開花。佢話櫻花園未來一年會繼續擴建，每年會增加30至40棵樹，希望10年後會有幾百棵櫻花盛放。