【Emily】九龍海濱陸續開放 油麻地段料年內竣

【明報專訊】維港東區酒廊下面嘅北角東岸板道（東段）早前開放後，已成為唔少人嘅打卡點，Emily不時見到有旅行社帶內地團去行板道參觀，當係免費景點活動。海濱事務委員會主席何文堯話，由堅尼地城至筲箕灣全長約13公里嘅港島海濱貫通後，未來工作重點將圍繞駁通與優化維港兩岸海濱，特別係九龍嘅海濱。

何文堯同政府新聞網講，數個位於九龍段落嘅海濱將陸續開放，包括啟德新急症醫院旁海濱長廊和前紅磡鐵路貨運碼頭嘅特色活動空間等項目；九龍西新油麻地公眾貨物裝卸區旁行人路都有望今年完成，貫通後可以打通西九文化區至大角嘴一帶海濱。

委員會話，將會繼續朝着2028年或之前，將維港兩岸海濱長廊總長度延長至34公里嘅目標邁進。