【Emily】見完伊朗領事論局勢 何君堯：香港過來人

【明報專訊】伊朗局勢不穩，全球關注。立法會議員何君堯上周以旗下國際公益法律服務協會身分拜會伊朗駐港總領事館，佢同Emily講，會上向總領事關心當地局勢，對方當時話當地仲係安全，並有信心政權仍獲市民支持。

何君堯話，當地安唔安全由大家自己判斷，但伊朗全國20幾個省有示威，都好嚴峻，「六國大封相、七國咁亂」。佢話「我哋香港作為過來人，（2019年）香港18區都有事」，認為今次伊朗受外部勢力影響，唔係咁簡單，「離不開美國同以色列嘅身影、挑撥，呢個絕對清晰，大家唔使懷疑」。

何律師又話未去過伊朗，希望將來會去，去完伊朗未必去以色列，因為以前已經去過。做咗立法會內會副主席嘅佢又喺社交網站話，以後一至五都要坐喺立法會開會，留言「大劑」，話或要借用經典電影對白「阿堯！國家終於有任務俾你喇！」