【Emily】北都辦主任履新：將藍圖細化提速

【明報專訊】政府日前宣布，香港駐粵經濟貿易辦事處主任蘇惠思轉任北部都會區統籌辦事處主任。佢噚日履新見記者話，喺特首同司局長帶領下，北都發展已經有藍圖，現時最重要工作係「將藍圖細化、提速、提質，盡力做到最好」，為香港同國家帶嚟最大利益。佢又話，北都係推動香港產業轉型嘅新引擎，亦係同大灣區城市聯動合作嘅新平台。

發展局喺2023年6月成立北都辦，負責統籌、倡導同推動北都發展，北都辦前主任丘卓恒舊年11月中升任運輸及物流局常任秘書長後，北都辦主任一職懸空，直至政府上星期五（2號）公布委任蘇惠思執掌北都辦。

蘇惠思有中大工商管理學士學位，喺1996年加入政務職系，2022年12月起出任駐粵辦主任。