【Emily】駐粵辦主任蘇惠思 升北都統籌辦主任

【明報專訊】政府銳意發展北部都會區，但北部都會區統籌辦事處前主任丘卓恒舊年11月中升任運輸及物流局常任秘書長後，北都辦主任懸空。踏入2026年首個工作天，政府公布現任駐粵經濟貿易辦事處主任蘇惠思 ，會喺1月5日升級出任屬首長第六級（D6）嘅北都辦主任。

蘇惠思取得中大工商管理學士學位，喺1996年月加入政務職系後，2024年晉升首長級乙一級政務官。佢喺2022年12月起出任駐粵辦主任。公務員事務局長楊何蓓茵話，蘇惠思具備出色領導同管理才能，有信心佢會喺新崗位繼續為市民提供專業高效服務。

發展局噚日喺社交媒體回應國家主席習近平在日前發表嘅新年賀詞，話北都係引領香港未來經濟和社會發展嘅重要引擎，隨住基本規劃已出台，現時工作重點係加快建設工程同引進產業。發展局近日為北都首個約11公頃「片區」（洪水橋）項目招標，並公布成立洪水橋產業園公司，負責發展同營運洪水橋約23公頃嘅產業園。