【Emily】迪士尼1.5萬件玩具捐小朋友

【明報專訊】聖誕節將至，香港迪士尼樂園呼應華特迪士尼嘅全球計劃「Disney Ultimate Toy Drive」，舉辦「分享禮物．分享愛」節日玩具捐贈活動，透過35間本地非牟利機構同公立醫院等，捐出超過1.5萬份迪士尼主題玩具畀患病同有需要嘅小朋友。

迪士尼義工隊亦去到匡智紹邦晨輝學校及沙田公立學校，為逾300名師生同家長，包括有特殊教育需要嘅兒童辦節日活動，除咗送玩具、表演魔術，並向學校贈送自製壁畫，畫上有米奇、米妮、黛絲同布魯托等經典角色。

另外，為慶祝20周年，香港迪士尼推出限量版20周年慶典紀念黑膠唱片慈善義賣，收益將不扣除成本撥捐「願望成真基金」，支持重病兒童實現願望。