【Emily】八成離婚或分居者無申贍養令 一成半話因前配偶無能力畀

【明報專訊】政府統計處最新調查顯示，43.2萬曾離婚或分居嘅人當中，34.5萬人無申請亦唔打算申請贍養令，當中14.7萬人話覺得「沒有需要」。近兩成有申請贍養令嘅人當中，成功獲取嘅人佔93.3%。

統計處噚日發表《主體性住戶統計調查第83號報告書》，佢哋喺舊年4至8月統計432,300個16歲以上曾離婚或分居人士嘅狀况，當中約34.5萬人（79.7%）無申請亦唔打算申請贍養令，比起2016年少2.9個百分點。無申請嘅原因當中，話「前配偶沒有能力支付贍養費」佔14.9%。而有申請贍養令嘅人佔19.3%、近8.35萬人，當中成功獲取贍養令嘅約有7.8萬人。

舊年申請咗贍養令嘅人當中，有3.4%未成功申請，另3.3%未有結果。加埋有贍養費協議嘅人，總共約8.9萬人收取贍養費。

統計又顯示，約有3.5萬人象徵式收取1元贍養費或仍等待法庭判決贍養費嘅支付方式，而2.6萬人就收唔足贍養費。