黃澤鋒妻難忘小產被鬧 佗二女做足保密工夫

【明報專訊】58歲黃澤鋒與太太陳麗麗日前帶同大女「小黃妃」黃熙恩接受薛家燕主持的新城節目《開心大派對》訪問，陳麗麗大談高齡再佗二女黃熙喬（小貴妃）前曾小產，才以體外受精技術（IVF）懷孕，「當時全家滿懷期待，產檢卻傳來壞消息，個胎不足3個月，係10星期……BB突然冇咗心跳」。隨後醫生給予夫妻希望，稱若真的想再要小朋友，有方法幫他們，為此連同大女一起召開家庭會議商量，陳麗麗說：「我們是一家人，不可以突然多咗一個，唔話畀大女知，她會小器，我唔想。」

黃澤鋒與陳麗麗考慮金錢、時間、生理及心理等各因素後，決定再試一次，陳麗麗說：「其實之前冇咗嗰個BB都畀人鬧，所以要好好保護呢胎，太早畀人知就鬧爆，鬧爆呢個仲大壓力，所以用咗一年時間去籌備。」她稱透過IVF懷孕絕非易事，「好多人都話我好容易，對唔住！唔係好容易，我都做咗兩次先成功，算很幸運，有些人做5次都唔得」。陳麗麗表示當時要香港、台灣兩地奔波，亦為了不影響照顧大女和保密，經常舟車勞頓獨自早機去、夜機返。黃澤鋒稱過程中給太太全力支援，「無論係心理、金錢，一定無限量支持」。

娛樂組