Emily Online | 張欣宇任中國建築土木工程公司董事長 (19:12)

立法會新界北議員張欣宇（Gary）宣布因家庭原因唔競逐連任後，新去向備受外界關注，最近終於揭曉。立法會議員利益登記冊今（26日）有更新，顯示工程師出身嘅Gary獲央企「中國建築國際集團」任命為旗下「中國建築土木工程有限公司」董事長，任期前日起生效。Gary今年5月更新利益登記冊時，曾經申報擔任「中國建築工程（香港）有限公司」執董。

另外，曾任職港鐵、任內不時就鐵路政策發表意見嘅Gary，前日都喺fb宣布獲政府邀請出任「香港鐵路標準督導委員會」委員。佢話工程師嘅工作可以涉及「海陸空」範疇，不過鐵路始終係自己最感興趣、最有感情嘅領域，能夠參與對香港鐵路基建發展意義重大嘅工作，發揮自己專業，佢深感榮幸。