主持《聲秀》決賽頻出錯捱轟 陳懿德道歉：覺得自己係零

【明報專訊】陳懿德（德德）在《聲秀》決賽獨擔大旗做主持，當晚直播節目卻連環出錯，報錯分數及名次，又將代表燈號讀錯，令場面一度混亂，惹來劣評，有網民要求無綫不要再安排她做主持。陳懿德經過多日沉澱，在社交平台發長文道歉，自責表現欠佳，「我覺得自己係零」，稱想擔任劊子手角色替自己行刑。

罵自己過萬次

德德說：「錯就要認，打就要企定。首先想講，對唔住容許我沉澱咗幾日，今次嘅表現的確唔好，所以到呢刻，我都無辦法放過自己。」她感謝觀眾的意見，令大家失望感抱歉，稱對自己好嚴厲，心中唾罵咗自己過萬次。對於報錯分數及名次，她再對節目組與參賽者道歉，認責無旁貸，難辭其咎，檢討自己沒有睇清楚。她表示感氣餒，雖然收到很多幕後、前輩與觀眾提醒不要失去信心，但她更感慚愧，需要時間復原，亦會振作起來。最後她說：「雖然今次唔成功，但我會重新審視自己，從失敗中成長。雖然跌得好痛，但我會努力飛得更高。我唔會要求大家一定要喜歡我，但我會努力一步一步令你哋改觀。以前我會用200分嘅努力去準備，日後我會用400分嘅努力去彌補，多謝。」

娛樂組