【Emily】GoGoX寵物接送增一成 領養有優惠

【明報專訊】唔少「奴才」不時帶毛孩出街放風，物流平台GoGoX近年積極發展寵物接送服務，佢哋噚日話今年首10個月累計錄得超過10萬次寵物接送服務，按年多10%，相關交易總額按年亦多咗12%。

西九文化區藝術公園下月14日至16日會舉行全港首個大型戶外狗狗嘉年華「Doggo Fest 2025」，活動期間帶毛孩搭GoGoX去西九可以用八五折優惠碼「GoGoNov15」；屆時場內會有領養活動，GoGoX同動物機構「阿棍屋」亦有合作，領養寵物嘅新主人會有物流優惠券。GoGoX平台總監謝浩明預計活動可以吸引更多新用戶。

月底起，GoGoX都會為寵物友善嘅司機升級裝備，首階段有200個司機獲派「寵物護理包」，入面有應對毛孩不時之需嘅用品。