【Emily】財爺變身「京冀隊長」 率團取經建設北都

【明報專訊】為咗推進北部都會區規劃建設同招商引資，財政司長陳茂波今日起率領代表團到內地考察，將到訪北京城市副中心同河北雄安新區。代表團陣容龐大，有成40多人，當中有多個局長，包括財庫局長許正宇、商經局長丘應樺、發展局長甯漢豪、房屋局長何永賢、創科局長孫東等。教育局、運物局、引進辦、投資推廣署等部門都派代表參與。

40多人涵局長機構高層工商界

除咗官員，唔少公營機構嘅高層都有份去，包括金管局、貿發局、港鐵、科技園、數碼港、港深創科園、八大，仲有多名工商金融同銀行界代表。

活動由港澳辦統籌，大約去4日。完成訪問行程後，各主要官員會喺星期六（25日）返港。陳茂波離港期間，副司長黃偉綸會署任財政司長，其他局長離港期間亦有署任安排。