經濟
陳奕迅成紅米聲學大使 明發布新手機
【明報專訊】中資手機廠商近期愈發偏愛搵本港藝人代言，繼早前劉德華代言華為、謝霆鋒代言榮耀後，小米（1810）總裁盧偉冰在微博發文表示，歌手陳奕迅成為旗下品牌紅米聲學大使。陳奕迅亦於微博宣布新身分，並話「一首歌，唱入人心的總是情緒。有高有低，有起有伏，聽得完整，情緒才真」。據悉新手機將於明日（23日）發布，更請來知名交響樂團Heritage Orchestra伴奏，將陳奕迅名曲《K歌之王》全新編曲重錄，MV預計會在發布會上首播。
小米上周剛公布「85後美女」魏思琪（圖）將出任中國區市場部總經理，而替任早前涉及泄密而遭辭退嘅王騰。公開資料顯示，魏思琪1988年出生，畢業於號稱內地藝術家搖籃嘅中央美術學院，自2013年加入小米以來，長期喺產品與市場第一線任職，早期曾主導小米官網產品頁面設計及發表會簡報材料製作，近年逐步升任手機市場部及汽車市場部主管等職務。小米今次用咁有藝術感嘅方法包裝代言人，相信走馬上任嘅魏思琪有份出謀獻策。
email: [email protected]
