【Emily】國慶長跑 陸頌雄囝囝跑第一

【明報專訊】工聯會青年事務委員會與汽車交通運輸業總工會噚日合辦「國慶長跑2025」，有500多名跑手參加，工聯會立法會議員陸頌雄同囝囝都分別參賽，陸頌雄以1小時02分完成10公里賽事，囝囝就以14分09秒完成4公里賽事，勇奪少年組第一名。

賽事喺大美督船灣淡水湖水壩舉行，設有男女少年個人4公里賽、男女個人10公里賽、嘉賓盃、國慶盃及傷健樂融盃等組別，比賽旨在同賀國慶，推動全民運動。完賽後，陸頌雄喺社交平台發帖話「唔使跑得快，最緊要跑得晒」，而且全程無停步，話去到中年大叔嘅年紀仲跑得郁，非常滿足。

翻查資料，工會自1997年香港回歸以來都會舉辦國慶長跑，至今20多年，去年吸引逾700名選手參加。