經濟
周大福店外受訪 鄭家成：有錢未必快樂
【明報專訊】昨日颱風樺加沙襲港，不少市民視之為「末日颱風」，非常憂愁。小琴近期留意到原來周大福企業於2022年創立嘅「淨緣慈善基金」，近期不時喺IG拍攝短片探論「假如明天是世界末日」，給大家正能量。
近期最有趣嘅係，喺家族企業「周大福」門店外「巧遇」鄭家純細佬、身為淨緣項目管理委員會主席鄭家成，同篤信佛教嘅佢大談「世界末日」。
喺嗰段短片中，主持問到鄭家成職業同名字時，鄭家成自稱「鄭先生」，更笑住話自己「無嘢做、無所事事，做吓慈善囉」。當主持要求將「有錢、成功、快樂、健康」排次序時，身家雄厚嘅鄭家成無揀有錢，反而認為「健康同快樂最重要」，因為「無健康都唔會快樂」。
鄭家成更直言「有錢未必快樂」，而且「成功就可能損失好多嘢，例如同屋企嘅親情，或者得罪人哋」，似乎對於成功嘅利害有好深感悟呢。
