【Emily】響應國策 議員教市民燒脂

【明報專訊】今年3月全國兩會期間，國家衛健委提出「體重管理年」3年行動計劃，籲國民注意體重管理，並就此推行相關政策工作。全國人大代表兼立法會議員林順潮聯同立法會議員朱國強及團體，噚日喺將軍澳一商場搞健康宣傳活動響應國家政策，教市民做啲燒脂運動、提供免費健康檢查等，有近5000人參與。林順潮話肥胖係眾多慢性疾病嘅高危誘因，特別喺糖尿病、高血壓、心血管疾病等推動體重管理和預防肥胖，可有效降低慢性病發病率，進一步減少醫療開支。

朱國強就話，學生面臨嘅學業壓力同不良飲食習慣對健康影響深遠，而體重管理不止關乎學生健康，仲會直接影響學業表現、專注力及心理狀態。佢話唔少學生選擇用高熱量零食或速食品嚟緩解壓力，但呢啲不良飲食習慣為肥胖和慢性病埋下隱患。佢提出學校、家庭和社會要形成三方聯動，幫助學生喺身心健康與學業發展間取得平衡。