【明報專訊】日本漫畫家伊藤潤二被譽為「日本當代恐怖漫畫大師」，佢筆下嘅人物「富江」嚇倒唔少人，「粉絲」𠵱家有機走入佢嘅驚悚恐怖作品之中。旺角創興廣場地庫即日起至11月9日舉行「伊藤潤二恐怖體驗展2」，參觀者可以持「救命繩」摸黑進入展廳，觀賞佢嘅代表作，而伊藤本人亦會喺10月親臨香港宣傳。
主辦單位話今次展覽包括兩大主軸，分別係「驚嚇鬼屋體驗」同「神祕展示」，參觀者手持救命繩進入體驗空間，可體驗伊藤10部代表作，包括《隧道奇譚》、《人頭氣球》和《富江：照片》等，仲可以近距離欣賞多幅複製動畫原稿，現場亦重現作品《漩渦》嘅1:1場景。場內暗黑主題咖啡廳，畀大家坐低飲杯嘢定下驚。
