【Emily】照顧過境客 國泰迪士尼將合推產品

【明報專訊】根據香港迪士尼年報，超過一半入園玩嘅唔係本地人，國泰同香港迪士尼噚日就簽署合作備忘錄，推動更多遊客訪港，同時照顧埋過門而不能入嘅過境旅客，推出專為佢哋設計嘅產品，預計明年發售。

國泰同香港迪士尼噚日都提到，今次可以發揮雙方優勢推動訪港旅遊，進一步鞏固香港作為全球首屈一指旅遊目的地及區域交通樞紐嘅地位。香港迪士尼樂園行政總裁莫偉庭話，今次合作體現雙方致力提升香港全球旅遊吸引力嘅共同承諾。國泰行政總裁林紹波就話希望透過航空服務同樂園體驗，為遊客創造難忘旅程。