【Emily】環團政總請願 促訂更進取減碳措施

【明報專訊】政府下周三（17號）公布新一份《施政報告》，綠色和平噚日聯同低碳想創坊及綠惜地球等17個環團，去政府總部外向環境及生態局遞交氣候政策意見書，促請政府制定更進取嘅減碳措施。綠色和平氣候項目主任伍漢林（右三）話，香港嘅酷熱天氣、暴雨同強颱風等極端天氣近年愈嚟愈頻繁，反映氣候危機迫在眉睫；佢引述早前有研究話，香港或會喺2029年偏離《巴黎協定》全球控溫1.5℃嘅目標，故促請政府趁下年更新《氣候行動藍圖》嘅機會，廣泛諮詢公眾，制定更進取嘅減碳目標同措施，例如優先發展本地可再生能源，確保政策與全球控溫一致，幫市民應對日益嚴峻嘅氣候變化。圖為佢哋舉起「極端天氣愈嚟愈多」標語及穿上印有「1.5度不能再拖」口號嘅衫。