湯文亮：美補貼換股權 嚇怕企業家

【明報專訊】星期三早上去到茶餐廳，老闆話有行家到來吐苦水，行家話生意本來做得好哋哋，亦打算同業主續約，點知隔離舖位業主話不但可以用優惠租金租畀佢，並且可以補貼裝修費，於是用了不少錢裝修，但新業主的補貼遲遲未到位，最近新業主話無條件補貼是無可能，要用20%股份來交換補貼。老闆行家話今次真係上了賊船，20%交換補貼都無問題，最擔心就是業主認為自己有20%股份，派親信監督茶餐廳運作，咁就麻煩。