【Emily】容海恩研清真產業 倡政府統籌搞認證

【明報專訊】今屆政府積極發展清真旅遊，新民黨立法會議員容海恩（Eunice）噚日發表研究報告，探討本港拓展清真市場嘅戰略。佢建議政府成立專責統籌清真產業發展嘅部門，並喺品質保證局轄下成立負責清真認證嘅單位，提高本港清真認證嘅專業同權威。

向來關心香港與中東合作嘅Eunice噚日同傳媒茶敘，佢話清真產業市場龐大，除咗清真餐廳，佢仲特別蒐羅本港市面有售嘅清真認證商品，例如奶粉同化妝品等。Eunice話，本港現時唔同機構負責各類清真認證，建議政府參與協調統籌，包括推動本港清真認證與國際標準互認。佢又提出制定相關法例，列明清真產業嘅認證標準、監管機構、法律責任等。

Eunice又倡議長遠建立「清真認證自由港」，吸引全球清真企業落戶本港，並研究喺河套香港園區設立「清真科技產業園區」。