【Emily】中華文化節開幕 現代舞詩劇憶東坡

【明報專訊】第二屆「中華文化節」噚日開幕，由中國東方演藝集團演出嘅現代舞詩劇《詩憶東坡》打響頭炮，以具創意嘅現代舞展示蘇軾嘅詩詞同人生。表演噚日起一連兩晚喺尖沙嘴文化中心舉行，除咗舞蹈同詩詞，亦融合國畫、書法、古琴等中華傳統文化元素。

特首李家超噚日為文化節開幕禮致辭，佢話有信心文化節會成為香港嘅年度文化品牌活動，將博大精深、絢爛多彩嘅中華文化，以創新手法呈現觀眾眼前；政府會繼續向市民同旅客傳揚中華文化精粹，實現「以文塑旅、以旅彰文」，向世界「說好中國故事」。

文化節由康文署轄下嘅弘揚中華文化辦公室主辦，即日至9月將有超過280場活動，當中有中國戲曲、以茶文化同西安做主題嘅一系列節目同展覽等。