【Emily】勞工處長陳穎韶升任教局常秘

【明報專訊】政府噚日宣布新一輪高層官員任命，現任勞工處長嘅財政司副司長黃偉綸太太陳穎韶（圖），下月2日起升任教育局常任秘書長，接替同日展開退休前休假嘅李美嫦。陳穎韶1994年加入政務職系，舊年4月晉升首長級甲級政務官，先後喺前憲制事務科、保安局、前政制事務局、民政事務總署、公務員事務局、教育局、財庫局等工作，自2022年9月出任勞工處長。

陳係黃偉綸老婆

至於陳穎韶原本嘅職位，就會由現任醫務衛生局副秘書長許澤森接任。許喺1996年加入政務職系，舊年晉升為首長級乙一級政務官，2023年4月起加入醫衛局。

現任政務司長私人辦公室政策統籌主任黃潔怡就喺下月3日起出任公司註冊處長，接替已展開退休前休假嘅鄧婉雯。黃潔怡1993年加入政務職系，舊年晉升為首長級乙級政務官，2022年7月起加入政務司長私人辦公室。