【Emily】去同仁堂體驗搓藥丸 同學仔：比想像難

【明報專訊】北京同仁堂早前舉辦首屆「香港學界中醫藥健康學生大使計劃」，活動包括喺校園參與中草藥種植等，其中上月底近百師生走出校園，去北京同仁堂香港生產研發基地，親手搓製中藥丸。有同學仔話，雖然搓藥丸睇落簡單，但力度同技巧都唔易掌握，比想像中要更大力。

參加今次校外活動嘅師生來自仁濟醫院羅陳楚思小學、油蔴地天主教小學、聖公會天水圍靈愛小學、順德聯誼總會翁佑中學同明愛馬鞍山中學。北京同仁堂非物質文化遺產傳承人同團隊指導佢哋將藥材搓成蜜丸，每個步驟都需要精準控制力度同技巧。

中國移動香港都有份參與合作，今次同學仔仲參觀咗中國移動「聯創+」香港5G開放實驗室，了解5G技術點樣推動智慧醫療同物流發展。