【Emily】辦以物易物市集 港燈：同事尋寶 熱鬧如大笪地

【明報專訊】今日（6月5日）係聯合國「世界環境日」，港燈為響應今年主題「終結塑膠污染」，首次舉辦「以物易物」市集，為閒置物品賦予二次生命。港燈董事總經理鄭祖瀛形容，市集熱鬧到好似「大笪地」，氣氛熱烈，唔少同事都享受喺市集尋寶。

港燈話，負責籌辦市集嘅職員大約兩個禮拜時間已經收到約200件「寶物」，包括書、廁紙架、耐熱玻璃茶壺、單車頭盔等，亦特設「三次生命」專區，畀同事選取由回收或環保物料製成嘅物品，進一步推廣可持續生活。鄭祖瀛提到，港燈近年喺內聯網設有「Pass It On 舊物重生」網上平台，鼓勵港燈職員轉贈閒置物品畀有需要嘅人，佢提醒港燈職員日後仍可透過平台互相分享物資，減少浪費。