【Emily】張宇人歎大家樂輕嚥糉

【明報專訊】月底端午節，糉嘅糯米口感煙韌，對於吞嚥困難者嚟講，想應節食番隻糉唔容易。立法會飲食界議員張宇人噚日喺facebook發帖，話佢同同事齊齊享用大家樂推出嘅「輕嚥料理鹹肉糉」。睇番大家樂網頁資料，呢款糉符合國際吞嚥障礙飲食標準（IDDSI）嘅4級，即係糊狀，主要成分有綠豆、米、豬肉、鹹蛋黃、瑤柱。張宇人喺帖文話樂見業界開拓不同餐飲市場，吸引更多不同消費群一同開餐。