【Emily】「看祖國」交流計劃資助530萬 1500青年參加

【明報專訊】大灣區共同家園青年公益基金早前推出「2025百萬青年看祖國交流計劃」，向38個非牟利機構批出資助，總金額530萬元，有超過1500個青年參加。呢個計劃噚日舉行啟動禮，基金副主席楊政龍話，希望通過親身體驗，令香港青年更真切感受到國家進步，進一步融入國家發展大局。

有得去海南文昌睇火箭發射

獲資助嘅項目對象係12至30歲嘅青年，主題涵蓋人工智能、航天科技、歷史文化、人文藝術、生態環境保育、體育及非遺文化等領域，佢哋會參加內地交流團，足迹將遍及全國13省36市。喺其中一個特色項目，團員會去海南文昌航天發射場，近距離直擊火箭發射，聽航天專家介紹國家最新航天科技發展，仲會參觀當地文旅景點，例如椰子加工廠、文昌孔廟、海口騎樓老街、島上叢林等。