【Emily】兩大校長盃 港大再贏中大

【明報專訊】一年一度嘅「兩大校長盃」噚日舉行，香港大學學生事務長謝樹基（前右）同中文大學前副校長黃乃正（前左）朝早喺中大夏鼎基運動場舉行開球禮，港大最終贏1：0，連續兩屆勝出。

比賽創立於2003年，象徵兩校同心協力對抗SARS，之後成為雙方教職員友誼同合作精神嘅體育盛事。中大話歷來贏波11次、港大贏3次，4場和波。兩大校長過往不時到場觀賽，其中喺2018年港大校長張翔同中大時任校長段崇智上任後首次落場主持開球禮。