【Emily】兩張九巴舊椅 溯數十年「彩虹回憶」

【明報專訊】彩虹邨巴士總站啟用60周年，九巴噚日舉辦快閃活動「彩虹回憶」，將彩虹邨巴士總站嘅候車亭、站長室同舊茶水站重新髹油，重現1970年代初落成嘅面貌，另展出綠色纖維同啡色乳膠墊兩種舊式巴士座椅。唔少市民都專程參觀，有巴士迷試坐兩張舊式座椅打卡，另有人駐足欣賞。而喺彩虹總站服務廿年嘅九巴總車務督察黎嘉暉亦提到，隨住車長用膳時間延長，昔日茶水間已變成今日嘅車長休息室，而彩虹邨亦即將重建，感慨時代變遷。