【Emily】回顧香港行 星官唐振輝：街頭小菜好吸引

【明報專訊】新加坡律政部第二部長唐振輝（左六）上月中訪港，佢噚日出帖講番香港之行，特別提到香港街頭小菜好吸引。睇佢上載嘅相，一行人去過油麻地廟街食飯，再去佐敦食糖水，食過嘅嘢有燒味同撈粗、菠蘿油、蛋撻、芝麻糊同杏仁糊。

佢今次分別拜訪律政司長林定國同大律師公會。唐振輝話，新加坡同香港有好多地方相似，包括殖民歷史、有限天然資源等，兩地同樣係建基法治嘅領先國際商務金融中心，兩地屬良性競爭之餘，有好多地方可以合作。

（唐振輝facebook圖片）