【Emily】世界幸福排名 港88新低 台灣27亞洲最高 中國68

【明報專訊】你幸福嗎？噚日係3．20世界幸福日，牛津大學聯同聯合國「可持續發展解決方案網絡」（SDSN）發表新一份世界幸福報告。全球147個國家及地區當中，芬蘭連續8年排榜首，阿富汗連續4年包尾。香港排第88位，排名連續4年下跌，仲跌至2012年發布有關排名以來嘅新低。

港排名4連跌 2020起跌出首80

報告評估2022至2024年各地居民嘅幸福感，根據3年平均分得出排名，北歐國家芬蘭、丹麥、冰島、瑞典佔據頭4位。亞洲排名最高嘅係台灣，排第27位，其次係新加坡同越南，分別排第34同第46。至於中國就排第68，比鄰近嘅日本、泰國等低。

至於香港，2012年排名係咁耐以來最高嘅第64位，至2020年開始跌出頭80位，今年就跌至新低嘅第88。報告提到影響幸福感嘅六大因素，包括有冇足夠嘅社會支持、人均生產總值、壽命等，而當中人均生產總值對香港嘅評分影響最大。