【Emily】港華105年校慶晚宴 曾蔭權林定國出席

【明報專訊】香港華仁書院今年105周年校慶，舉辦唔少活動連結校友，其中前日（15日）搞「Back to School Day」活動，以及在鄰近嘅合和酒店辦晚宴。華仁校友眾多，晚宴熱鬧非常。本身係港華仔嘅立法會議員郭偉强（後排左三）話，晚宴上唔同輩分嘅校友聚首一堂，形容大家似家人咁親切，大家都以母校為榮。現場所見，律政司長林定國、副財庫局長陳浩濂都有參加，仲有重量級校友、前特首曾蔭權（前排右五）。