【Emily】麥當勞宴請8000員工 首店元老赴會

【明報專訊】香港麥當勞早前一連3晚喺亞洲國際博覽館舉行年度員工晚宴，超過8000個員工同嘉賓參與，適逢香港麥當勞50周年，今次晚宴特別邀請咗全港第一間、銅鑼灣百德新街分店嘅前員工及資深員工出席，其中8人上台分享，一齊回顧過去半世紀嘅時刻，勾起在場唔少同事嘅集體回憶。

其中人稱「阿爺」嘅香港麥當勞前副總裁及總經理朱源和都有去，佢喺1974年開始做餐廳副經理，係香港麥當勞第一個員工。麥當勞話「阿爺」從開設第一間餐廳開始，見證香港麥當勞多年轉變。「阿爺」話已退休20年，好高興公司依然邀請佢參加員工晚宴，由1975年開第一間餐廳到𠵱家，見證公司擴展到全港260間分店，有過萬名員工，令佢好感動。佢話相信各同事會繼續堅守麥當勞嘅核心價值，將優質服務同歡樂傳畀全港市民。