【Emily】女拔師姐妹QE報佳音 疫後首次

【明報專訊】拔萃女書院一班學生同埋舊生兼伊利沙伯醫院（QE）嘅醫護，前日（23日）喺伊院舉辦聖誕午間音樂會，齊齊唱歌報佳音，為醫院增添濃厚節日氣氛。

伊院內科顧問醫生許嘉話，無諗過會喺繁忙工作中，仲可以同醫院嘅師妹、仲有仍然讀緊書嘅小師妹聚首一堂，感覺奇妙有趣，亦令佢懷念中學生活同往事。女拔多年嚟有喺伊院表演音樂嘅傳統，今次係新冠疫情後首次復辦，希望透過報佳音祝福病人早日康復，可以同家人過個暖笠笠嘅聖誕節。

（伊院通-伊利沙伯醫院fb）