湯文亮：玩比特幣唔會輸死人

【明報專訊】有老友話非常後悔兩三年前無買比特幣，如果當時有買，現在就唔會咁頭痛，老友話不是後悔比特幣大升，而是如果當時買比特幣，就唔會問銀行借錢買樓，今日就唔會被銀行call loan。我話佢搵嚟講，買樓不但可以用晒自己全副身家，仲要問銀行借大筆錢，試問點會用晒成副身家買比特幣，身邊朋友很少擁有超過10枚比特幣，就算擁有10枚，都只不過是百多萬美元，800萬港元而已，就算輸晒都唔會輸死人。