【Emily】楓葉「開始紅」 大棠留人賞

【明報專訊】踏入12月，天氣唔太冷，但大自然已漸呈現冬日色彩。漁護署日前已更新楓香林紅葉情報，紅葉指數已屬「開始紅」。Emily噚日去元朗大棠郊遊，見到大棠楓香樹已轉黃色及紅色，有導賞員仲估計約兩星期後樹葉會全部變紅。不過噚日已有唔少人專程上山賞紅葉，有情侶自拍後再鑑賞作品，確保能拍到紅葉醉人景致；有跑山者步過楓香林時都停步觀賞。大家如果想去賞紅葉，記住留意漁護署嘅紅葉指數更新及相關交通資訊。