【Emily】科大伙內地電池龍頭 搞環保科研人才合作

【明報專訊】科技大學近日同內地中國電池生產龍頭企業「寧德時代新能源科技股份有限公司」（寧德時代）簽署跨領域科技創新合作協議。根據協議，科大將喺5年內獲寧德時代資助，合作研究先進材料、零碳新技術等領域，再將研究成果轉化；有份參與研究嘅科大優秀博士及碩士生，喺畢業後有機會獲優先聘用。寧德時代另亦會成立創投基金，資助具發展潛力嘅科技初創團隊進入市場。

寧德時代係新能源科技公司，去年底應政府邀請到香港設立國際總部及研發中心，為Tesla電動車等品牌提供電池。科大校長葉玉如感謝寧德時代嘅信任同支持，話科大一直致力同社會各界合作，結合學術成果同實際應用，以科技創新推動社會進步和發展。佢相信，未來同寧德時代合作一定能以創新技術構建可持續發展嘅未來社會，為香港、為國家謀求更大發展。