【Emily】高血壓遙距管理服務 港怡再推50免費名額

【明報專訊】港怡醫院推出「遙健到家」遙距醫健服務計劃，首階段提供高血壓管理服務，之前有190個市民免費參加，為鼓勵更多人關注健康，院方再向公眾推出50個免費名額，先到先得。醫護會定期遙距監測參加者嘅健康數據，安排定期跟進、醫生諮詢等。

參加者要先經港怡護士初步評估，而服務試用期為6個月。參加者需每日用醫院提供嘅智能血壓計量血壓，透過藍牙連接「港怡智健康」手機App，配合程式內嘅人工智能健康監測功能，就可同步記錄健康數據。參加者可以同醫護設定個人化健康目標，護士會定期遙距檢視數據，透過電話跟進同提供健康意見。計劃亦有指定次數嘅家庭醫生視像會診或面診。

港怡醫院執行總裁曾慶廉話相信計劃可鼓勵大眾管理自身健康，預防慢病惡化，期待未來擴展服務至糖尿病、心臟病等。