【Emily】九龍城議員搵傳媒寫專欄

【明報專訊】新一屆區議會務求說好各區故事，投入宣傳工作，九龍城區議會社區活動策劃及推廣區議會工作小組就搵媒體開專欄，畀當區議員暢所欲言，時事政見、區議員工作、區內趣聞都寫得。

專欄計劃名為「我的九龍城」，由小組主席利哲宏負責聯絡合適媒體，今日就初步計劃徵詢小組成員意見。利哲宏同Emily講，有啲「唔係好嚴肅（serious）」嘅事，但又想更多市民知道，現有渠道如掛橫額或喺facebook發文「可能reach（接觸市民）唔夠」，透過專欄就可以同市民分享唔同睇法，增加互動。

利哲宏又話，今次計劃唔係以區議會名義搞嘅，而係以各區議員嘅個人名義去寫，計劃已「大概有方向」，舉例會配合唔同媒體嘅特性，將唔同主題分門別類，安排投稿，形容區議員反應正面，亦歡迎增選委員投稿。