陳凱琳讚鄭嘉穎「牙齒當金使」

【明報專訊】陳凱琳昨日以性感打扮到銅鑼灣出席醫美產品活動，自言當母親後變得更貪靚，因平時忙照顧3子，會忽略自己，直到照鏡一刻才發現狀態不好，驚醒要注意護膚和進食有營養食物，現在又定下每月行山任務，前天一日內行山兩次。她笑說：「大仔叫我帶他行山，以為講完就算，昨（前）早我獨自行完山回家，被大仔投訴為何不帶他去，他說為了有體力陪我行山，特意食很大份早餐，聽完很內疚，立即帶他再出發。」

老公鄭嘉穎提示她對小孩的承諾，要講得出做得到，因兒子開始長大有記性。陳凱琳讚老公見慣世面，非常醒目，不會胡亂許承諾：「難怪我叫他陪我行山，他只會說睇情况，不會畀假希望我，他很誠實，講得出真的做得到，做不到一定不答應。」她稱演出上嘉穎也贈很多意見，最近提議老公當導演，「現在流行微電影和網上短片，我覺得可以夫妻一起合作，嘉穎稱睇時機，我驚他到時想做埋幕前演出。（接受夫婦檔再合作拍戲嗎？）演夫妻可以，扮情侶怕尷尬，因為現實中我們已結婚生仔」。可另揀靚仔合演情侶？陳凱琳笑言：「我老公唔靚嗎？我屋企有4個靚仔。」

記者：鍾一虹