【Emily】愛國歌《我們的家》製唱K版 廣派學生

【明報專訊】「憲法和基本法推廣督導委員會」轄下嘅「愛國主義教育工作小組」喺國慶日推出一段全新電視宣傳片，背景音樂用咗愛國主義教育主題曲《我們的家》，工作小組今個月會將首歌嘅卡拉OK版本USB同文件夾陸續送畀中小學學生。

推新宣傳片 李慧琼冀潛移默化

宣傳片剪輯咗唔同片段，包括國家航天及科技等成就、互助互愛嘅家人、香港運動員、救急扶危嘅紀律部隊等。

短片噚日起喺各電視台播放，同時上載至政府新聞處網頁及YouTube頻道。

工作小組組長李慧琼表示，一分鐘嘅宣傳短片用咗愛國主義教育主題曲，配合國家成就、市民溫馨生活片段同激勵畫面，希望深入社會各個階層及年齡層，潛移默化咁增進市民「愛國愛港愛社區」嘅情懷。